23-февраль Мекенди коргоочулардын майрамын утурлай, "Эненин сыймыгы болгон уулдар" уктуруусуна кош келиӊиз. Чыныгы эркектик сапаттарга ээ уулдарды кантип тарбиялоо керек?

Окуучу балдарыбыздын ийгилигине энелер кантип колдоо көрсөтүп, салым кошо алабыз? Балдарыбыздын мектептеги окуусу ийгиликтер менен коштолушу үчүн, энелер түрткү бере алабы? Бүгүнкү уктуруу мына ушул тууралуу.

Балдардын өз ара кандай мамилеси энелердин тынчын алат? Талашып-тартышуу, кайым айтышуу, бири-бирин басынтып, жаман сөз айтуу, бир сөз менен айтканда, бирин-бири сыйлабастыгы. Балдарды бири-бирин сыйлоого кантип үйрөтөбүз? Кезектеги уктуруу мына ушул тууралуу.

Ааламдагы бардык кесиптерден, бардык милдеттерден жогору турганы - эне болуу, энелик милдетти аткаруу. Ар бир баласынын кыял-жоругун, эмнени жакшы көрүп, эмнени жаман көрөрүн, эмнеге кубанып, эмнеден коркорун бир гана эне сезип, туят эмеспи. Кезектеги уктурууда ушул жоопкерчиликтүү милдет тууралуу сѳз кылабыз.

Адамдын сүйлөгөн сөзүнүн күчү зор. Адамдын оозунан чыккан бир да сѳз башкаларга кандайдыр бир таасир бербей, жөн гана калып калбайт. Сөз менен бир адам экинчи адамга терең кубаныч тартуулашы мүмкүн, же сөз менен экинчи адамды бүтпөс кайгыга, ызага салышы мүмкүн. Андыктан, бардыгы сөздүн бийлигинде.